Plantun de Prouvènço

Pèr coumpara dos planto d'encò nostre

Salicornia procumbens & Scabiosa lucida

Engano(-clino)

Salicornia procumbens

Amaranthaceae Chenopodiaceae

Àutri noum : Perso-pèiro, Salicor, Sausouiro, Sansouiro.

Nom en français : Salicorne couchée.

Descripcioun :
Es uno engano de l'an e noun renadivo au contro di gènre proche Arthrocnemum e Sarcocomia. Adounc fai pas de bouissoun e s'atrobo pulèu dins li relarg sala mai dubert. Lis estamino sorton un pau e li tres flour de cade tros soun quàsi de la meme taio, aquelo dóu mitan un pau mai grando pamens (fotò e dessin). De coumpara emé Salicornia europea.

Usanço :
Lis engano soun coumestiblo e se manjon en ensalado se soun pas trop duro, e peréu esboulentado, adoubado coume de baneto. Bèn li lava que pòu i'agué de parasite dangeirous (letouspiròsi dóu ragoundin e douvo dóu fege).

Port : Erbo
Taio : A
Fueio : ges
Tipe bioulougico : Teroufite
Cicle bioulougico : Planto de l'an

Gènre : Salicornia
Famiho : Amaranthaceae
Famiho classico : Chenopodiaceae

Coulour de la flour : Verdo
Petalo : ges
Ø (o loungour) flour : 2 à 3 mm
Flourido : Estiéu - Autouno

Sòu : NaCl
Autour basso e auto : Pancaro entresigna
Aparado : Noun

Liò : Sansouiro - Mar
Estànci : Termoumediterran à Mesoumediterran
Couroulougi : TER
Ref. sc. : Salicornia procumbens Sm., 1813

Móutounet(-lusènt)

Scabiosa lucida

Caprifoliaceae Dipsacaceae

Nom en français : Scabieuse luisante.

Descripcioun :
Lou móutounet-lusènt trachis dins li melounié e lis esboudèu de mountagno. Es uno planto que sèmblo proun au coumun móutounet, Scabiosa columbaria, pamens li fueio basalo entiero soun lisco eici, sènso péu e bèn lusènto. Fai mens de flour coumpousado (1 à 2 "capitule" en liogo de >3 ) peréu.

Usanço :
Li fueio soun manjadisso mai proun amaro.

Port : Grando erbo
Taio : 30 à 100 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Scabiosa
Famiho : Caprifoliaceae
Famiho classico : Dipsacaceae

Ordre : Dipsacales

Coulour de la flour : Vióuleto
Petalo : 5
Ø (o loungour) flour : 2 à 2,5 cm
Flourido : Printèms - Estiéu

Sòu : Ca
Autour basso e auto : 800 à 2800 m
Aparado : Noun
Jun à avoust

Liò : Melounié - Pelouso - Esboudèu
Estànci : Mesoumediterran à Mountagnard
Couroulougi : Éurasiatico
Ref. sc. : Scabiosa lucida Vill., 1779

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Salicornia procumbens & Scabiosa lucida

ges

Coumpara Engano(-clino) emé uno autro planto

Coumpara Móutounet(-lusènt) emé uno autro planto